млрд теңге
2025 жыл қорытындысы бойынша Компанияның Корпоративтік бизнес бойынша Дивизионы түсімі (ОА бойынша корпоративтік сегмент бойынша 2025 жыл бойынша жиынтық деректердің болмауына байланысты ОА, ЕБҚ және ЕС-ті ескерместен)
3.3. Корпоративтік бизнес
2025 жылғы жұмыстың негізгі нәтижелері
146,7
«Қазақтелеком» АҚ корпоративтік клиенттерге, оның ішінде мемлекеттік органдарға, квазимемлекеттік секторға, ірі және орта кәсіпорындарға кешенді телекоммуникациялық және сандық шешімдерді ұсынуға бағдарланған. Компания ақпарат алмасуды орнықты және қорғалған, бизнес-процестерді қолдау және клиенттердің сандық трансформациясы үшін шешімдер ұсынады.
Корпоративтік бизнес қызметтерінің сапасын басқару корпоративтік клиенттердің қанағаттанушылығын арттыруға және Қазақстан Республикасының телекоммуникациялық инфрақұрылымын орнықты дамытуға бағытталған.
1,1
+0,8%млрд теңге
Корпоративтік бизнес дивизионының кіріс жоспарын асыра орындау
+10,2%
абоненттің орташа кірісінің (ARPU) өсімі
3.3.1. Жобаларды іске асыру
3.3.1.1. Іске асырылған және жоспарланған жобалар (2025–2026 жж.)
КОС жобалары шеңберінде оптикалық желілерді пайдалануға беру
Кезең мен аумақ
2025 жыл, Қазақстан Республикасы
Сипаттамасы
Корпоративтік сегменттің 331 нысанын жоғары жылдамдықты интернетке қосу мүмкіндігін қамтамасыз еткен оптикалық желілер пайдалануға берілді.
«Ақмола облысы Бурабай ауданының Шучье-Бурабай курорттық аймағында GPON желісін салу»
Кезең мен аумақ
2025 жыл, Ақмола облысы
Сипаттамасы
Бурабай ауданының курорттық аймақтарына дейін ТОБЖ салынды, B2B 54 нысаны пайдалануға берілді; 114 жаңа қосылым қамтамасыз етілді; 35 абонент мыс желіден GPON желісіне көшірілді.
«Ұялы операторлар үшін байланыс арналарын салу»
Кезең мен аумақ
2025 жыл, Қазақстан Республикасы
Сипаттамасы
Ұялы операторлардың тасымал желісін ұйымдастыру үшін ТОБЖ салынды; «Кселл» АҚ мен МТС ұялы операторлары үшін 151 4G (LTE) БС-на және 476 5G БС-на дейін оптикалық трансмиссия қамтамасыз етілді.
OneWeb геостационарлық емес спутниктік жүйе операторының сервисін бағалау пилоттық жобасы
Кезең мен аумақ
2025 жыл, Атырау облысы, Құрманғазы ауданы, Азғыр ауылы
Сипаттамасы
OneWeb абоненттік жабдығы орнатылды; қабылдауға 100 Мбит/с және беруге 20 Мбит/с тұрақты деректер беру жылдамдығы қамтамасыз етілді.
Білім беру ұйымдарын Интернет желісіне жоғары жылдамдықты қол жеткізумен қамтамасыз ету
Кезең мен аумақ
2025 жыл, Қазақстан Республикасы
Сипаттамасы
«Қазақтелеком» АҚ Қазақстан Республикасы бойынша 524 мектепті Интернет желісіне жоғары жылдамдықты қол жеткізумен қамтамасыз етті.
«Қазақтелеком» АҚ Тамыз конференциясы қарсаңында Қазақстан Республикасы Оқу-ағарту министрлігімен бірлесіп SmartED Seminar 2.0 ұйымдастырды. Семинарға компания, Министрлік және Цифрландыру басқармасының өкілдері қатысып, білім беру жүйесін жаңғырту мен цифрландырудың негізгі бағыттарын талқылады. Мұндай өзара іс-қимыл мемлекеттік органдармен ынтымақтастықты нығайтуға және еліміздегі білім беру ортасын жақсарту жөніндегі бастамаларды ілгерілетуге ықпал етті.
«FTTH желісін өрістету» жобасы (СКЖЖ)
Кезең мен аумақ
2026 жыл (жоспар), Қазақстан Республикасының барлық облыстары, оның ішінде ауылдық елді мекендер
Сипаттамасы
Жобаны іске асыру абоненттік қол жеткізу инфрақұрылымын жаңғыртуға, желілік архитектураны оңтайландыруға және ескірген мыс байланыс желілері мен жабдықты пайдаланудан шығару есебінен операциялық тиімділікті арттыруға бағытталған. Нәтижесінде шамамен 7,7 мың тонна мыс кабелін, сондай-ақ «орта және қабық» санатындағы 200-ден астам ғимарат пен үй-жайды босату жоспарлануда, бұл желіні ұстауға арналған пайдалану шығыстарын қысқартуға мүмкіндік береді.
Жоба Қазақстан Республикасының 88 қаласы мен 128 ауылдық елді мекенін FTTH желілерімен толық қамтуды көздейді:
- ҚР қалалары бойынша: көппәтерлі тұрғын үйлер (КПТҮ) — 81 073 және жеке тұрғын үй құрылысы (ЖТҚ) — 372 746;
- Ауылдық елді мекендер бойынша: КПТҮ — 57 670 және ЖТҚ — 173 008;
- Жаңа аумақтарды игеру («жаңа шаршыларды иемдену»): 120 060 нысан;
- B2B/B2G сегментінің абоненттерін FTTH технологиясына көшіру: 31 135;
- Ұялы операторлардың базалық станцияларын қосу: 4 436;
- L2VPN қызметтерін ұсыну: 32 қосылым.
Жобаның күтілетін әсері — қызметтер сапасын арттыру, абоненттік базаны кеңейту және Компания кірістерінің өсуі.
3.3.1.2. Корпоративтік сегменттегі тарифтік саясат
2025 жылы B2B сегментінде жеке кәсіпкерлер мен шағын және орта бизнес өкілдеріне арналған кеңейтілген толтыруы және жақсартылған техникалық сипаттамалары бар жаңа пакеттік ұсыныстар іске қосылды. Тарифтік желіні жаңарту шеңберінде пакеттердің құрамы қайта қаралды және қосымша қызметтер, оның ішінде кеңейтілген контентпен сандық теледидар TV+ (телеарналардың ұлғайтылған саны, Salem және Kinoroom кинотеатрлары), сондай-ақ сандық қауіпсіздік сервистері — бейнебақылау және антивирустық қорғаныс қосылды.
Осылайша, тарифтік саясат саласындағы көрсетілген іс-шараларды 2025 жылы іске асыру Компанияның телекоммуникациялық қызметтер нарығындағы позициясын нығайтуға, клиенттерге бизнес қажеттіліктеріне бағдарланған шешімдердің кеңірек әрі икемді таңдауын қамтамасыз етуге, сондай-ақ «Қазақтелеком» АҚ заманауи сандық өнімдерін енгізу арқасында корпоративтік клиенттер қызметінің тиімділігін арттыруға мүмкіндік берді.
3.3.2. Халықаралық телекоммуникациялық қызметтерді дамыту
Компанияның негізгі бағыттарының бірі — ірі байланыс операторларымен өзара тиімді ынтымақтастықты құру, сондай-ақ серіктестер үшін ұсынылатын қызметтер спектрін кеңейту.
Есепті жылы «Қазақтелеком» АҚ-ның халықаралық сегменттегі үлесін ұлғайту бойынша мақсатты жұмыс жүргізілді, оның ішінде:
- мынадай бағыттар бойынша транзиттік арналарды ұйымдастыруға шарттарға қол қойылды:
- Қытай–Еуропа сыйымдылығы 6×100 Гбит/с;
- Өзбекстан сыйымдылығы 3×100 Гбит/с;
- Түркіменстан сыйымдылығы 6×10 Гбит/с;
- ОА елдерінің байланыс операторларына «Қазақтелеком» АҚ-ның пирингтік қосылыстары мен жергілікті кэш-серверлеріне 90 Гбит/с сыйымдылығымен қол жеткізуді ұсыну қызметтерін ұйымдастыруға шартқа қол қойылды.
Сонымен қатар, 2025 жылғы 2-6 қыркүйек аралығында Алматы қаласында халықаралық салалық іс-шаралар: Carrier Meeting Kazakhtelecom және GCCM өтті. Бұл іс-шаралар халықаралық байланыс операторлары арасындағы қарым-қатынасты нығайту және серіктестік байланыстарды орнату алаңы қызметін атқарады. Мұндай жиындар барысында байланыс операторлары телекоммуникация саласындағы өзекті үрдістерді, екіжақты ынтымақтастықты дамыту перспективаларын және бірлескен жобаларды ілгерілету мәселелерін талқылау үшін кездесулер өткізеді.
Халықаралық марапаттар
«Best Network Partner»
China Telecom компаниясының марапаты. Ол Mobile World Congress (MWC) Shanghai 2025 халықаралық конференциясы аясында өткен «One Growth, Together for a Shared Future» жаһандық серіктестік конференциясында табысталды.
«Global Connectivity»
халықаралық байланыстылықты нығайтуға қосқан үлесі, тұрақты серіктестік және бірлескен жобалардың өсуі үшін China Unicom компаниясының марапаты.
«Шыңдарды бірге бағындырамыз»
бизнес-жобаларды бірлесіп іске асыру және ҚР/РФ шекарасында өткізу қабілетін кеңейту үшін «Ростелеком» ЖАҚ-ның марапаты.
CC Global Awards 2025
«ТМД кеңістігіндегі өңірлік телекоммуникациялық оператор» номинациясында — Берлинде өткен Carrier Community Global 2025 салалық форумы шеңберінде табысталды. Марапат «көшбасшылықты, инновацияларды және сандық экономиканы дамытуға қосқан үлесті» көрсететін компанияларды атап өтеді. Мұндай марапатты алу Қазақстан үшін ұлттық оператордың ТМД деңгейіндегі халықаралық мойындалуын білдіреді, «Қазақтелеком» АҚ-ның телеком-инфрақұрылымды дамытудағы, мектептер мен мекемелерді қосудағы, оптиканы дамытудағы және заманауи сандық қызметтерге қол жеткізуді қамтамасыз етудегі рөлін айқындайды.
3.3.3. Желілерді дамыту
2025 жылы оқушылардың, қызметкерлердің қорғалу деңгейін және білім беру мекемелерінің аумағындағы жағдайды жалпы бақылауды арттыру мақсатында «Ақмола облысы білім беру нысандарынан ЦТД ЖЕО-ға бейнетрафикті беруге арналған байланыс арналарын ұйымдастырумен бейнебақылау жүйесі» жобасы іске асырылды.
Жобаны іске асыру шеңберінде Ақмола облысының 464 білім беру нысанынан 3 300-ден астам бейнекамера шығарылып, бейне ағындары ЦТД ЖЕО-ға жіберілді, оның ішінде кіру топтарына 1 000-нан астам бейнекамера орнатылды.
>3 300
бейнекамера
Ақмола облысының білім беру объектілерінен ЦТД ЖЕО-ға шығарылды
Компанияның корпоративтік сегменттегі кірістерінің құрылымында ең үлкен үлесті 39,2% мөлшерінде деректер беру желісі қызметтерін ұсынудан түскен кірістер алады. Қазақстан Республикасы операторларымен өзара іс-қимылдан түскен кірістердің үлесі 36,0%-ды, ал халықаралық операторлармен келісімдер бойынша кірістердің үлесі 12,0%-ды құрады.
Тіркелген желілер сатуының төмендеуі мессенджерлер мен әлеуметтік желілер сияқты ауыстыру қызметтерінің дамуына байланысты қалыптасқан әлемдік үрдіс болып табылады. Жаңа облыстардың құрылуы және клиенттердің жаңа облыс орталықтарына көшу, түгендеу мен шығындарды қысқарту бойынша іс-шараларды жүргізумен байланысты корпоративтік желілер оңтайландырылды, бұл ТЛ, КЖҚ, ТВ және IP VPN нүктелерінің таратылуына әкелді.
2025 жыл қорытындысы бойынша 2024 жылмен салыстырғанда коммерциялық ARLB көрсеткіші Интернет желісіне КЖҚ беру бойынша әр нүкте үшін ай сайын 1,9 мың теңгеге өсті, бұл +7,5%-ды құрайды, IP VPN ұсыну бойынша көрсеткіш әр қосылған нүкте үшін ай сайын 7,3 мың теңгеге (+8,3%) өсті.
+7,5%
Интернет желісіне кеңжолақты қолжетімділікті (ШПД) ұсыну бойынша ARLB көрсеткішінің әрбір нүкте үшін ай сайынғы өсімі
+8,3%
IP VPN ұсыну бойынша ARLB көрсеткішінің әрбір нүкте үшін ай сайынғы өсімі
