млрд теңге
артықшылықты акциялар бойынша төленуге жататын дивидендтердің жалпы сомасы
5.3. Дивидендтік саясат
«Қазақтелеком» АҚ-ның дивидендтік саясаты Компания мен акционерлер мүдделерінің теңгеріміне, сондай-ақ дивидендтерді айқындау мен төлеудің болжамды әрі ашық тәртібіне бағытталған.
Компанияның дивидендтік саясатының негізгі қағидаттары айналыста жүрген Компанияның бүкіл акциялар пакетіне дивидендтердің кепілдендірілген төлемін қамтамасыз ету қағидаты және Компанияның қызметін, оның ішінде Компания қаражаты есебінен іске асырылатын жаңа қызмет түрлерін және инвестициялық жобаларды қаржыландыруды қоса алғанда, қаржыландыруды қамтамасыз ету болып табылады.
* 80-кесте. 2023–2025 жж. қорытындысы бойынша «Қазақтелеком» АҚ-ның акциялары бойынша жарияланған дивидендтер (кестедегі ақпарат графикалық түрде берілген).
7,9
Төленуге жататын дивидендтер мөлшері қаржылық тұрақтылық пен өтімділік көрсеткіштері негізінде айқындалатын Компанияның қаржылық-экономикалық жағдайына байланысты.
Компания төлеуге ұсынатын дивидендтер мөлшері Акционерлердің кезектен тыс жалпы жиналысының шешімімен (2013 жылғы 18.01-дегі №49 хаттама) бекітілген «Қазақтелеком» АҚ-ның Дивидендтік саясаты туралы ережеде баяндалған дивидендтерді есептеу әдістемесіне сәйкес «Қазақтелеком» АҚ Акционерлерінің кезектен тыс жалпы жиналысының 2013 жылғы 27 желтоқсандағы №51 шешіміне сәйкес өзгерістер мен толықтырулармен айқындалады. Дивидендтер мөлшері туралы түпкі шешімді Акционерлердің жалпы жиналысы қабылдайды.
2025 жылғы 15 мамырда «Қазақтелеком» АҚ Акционерлерінің жылдық жалпы жиналысы 2024 жыл қорытындысы бойынша және өткен жылдардың бөлінбеген пайдасының бір бөлігінен жай акциялар бойынша дивидендтер төлеу туралы шешім қабылдады. Дивидендтер алуға құқығы бар акционерлер тізімі 2025 жылғы 25 мамырда сағат 00:00-дегі жағдай бойынша құрастырылды. Бір жай акцияға дивидендтер мөлшері — 26 664,88 теңге.
Жай акциялар бойынша төленуге жататын дивидендтердің жалпы сомасы — 285,5 млрд теңге. 2025 жылғы 17-ден 18 маусымға дейін төленген жай акциялар бойынша дивидендтердің жалпы сомасы — 283,8 млрд теңге.
Компания сондай-ақ артықшылықты акциялар бойынша бір акцияға 26 364,88 теңге мөлшерінде дивидендтер төлеуді жүргізді. 2024 жыл үшін артықшылықты акциялар бойынша кепілдендірілген дивиденд (300,00 теңге) 2024 жылғы желтоқсанда төленді.
Артықшылықты акциялар бойынша төленуге жататын дивидендтердің жалпы сомасы — 7,9 млрд теңге.
2025 жылғы 13-тен 16 маусымға дейін артықшылықты акциялар бойынша төленген дивидендтердің жалпы сомасы — 5,8 млрд теңге. Дивидендтерді төлеу ҚР Салық кодексінің талаптары мен ҚР Үкіметінің 2022 жылғы 17.11 № 911 қаулысын ескере отырып жүзеге асырылды.
5.3.1 2026 жылға арналған жоспарлар
2026 жылы күрделі салымдар мен айналым капиталына қажеттіліктерді қамтамасыз ету үшін қарыз қаражатын тарту жоспарланған.
Инвестициялық жоспарларды іске асыру шеңберінде Компания жеңілдікті кредиттер мен облигациялар шығаруды қоса алғанда, қарыздық қаржыландырудың әртүрлі құралдарын қарастырады.
Сондай-ақ капиталдың ықтимал көздері ретінде қарыз ресурстарының құнын оңтайландыруға және тұрақты қаржылық позицияны қолдауға мүмкіндік беретін қарыздық қаржыландырудың балама нұсқалары бағаланатын болады.
Акционерлердің жалпы жиналысы бекіткен қаржылық тұрақтылық коэффициенттерінің шекті және мақсатты мәндерін ескере отырып, Компания қаржылық көрсеткіштердің ағымдағы деңгейін, оларды одан әрі жақсарту әлеуетімен сақтауды қамтамасыз етеді.
