4.1. Тұрақты дамуды басқару

4.1.5. Тұрақты даму мақсаттарына қол жеткізуге қосылатын үлес

Компания 2030 жылға дейінгі тұрақты даму саласындағы БҰҰ-ның жаһандық Күн тәртібін қолдайды және БҰҰ-ның Тұрақты даму мақсаттарын (ТДМ) бөліседі.

«Қазақтелеком» АҚ Тұрақты дамудың он жеті мақсатының барлығының маңыздылығын мойындайды және телекоммуникация секторы үшін, Компания қызметінің ерекшелігі үшін және Компанияның Өсудің стратегиялық бағыттарын орындау үшін ерекше өзекті болып табылатын тоғыз негізгі мақсатты бөлектейді.

14-кесте. БҰҰ-ның басым Тұрақты даму мақсаттары

Бірінші таңдау бренді

Қалалар мен елді мекендердің ашықтығын, қауіпсіздігін, өміршеңдігін және экологиялық тұрақтылығын қамтамасыз ету

Құрлық экожүйелерін қорғау және қалпына келтіру, оларды ұтымды пайдалануға жәрдемдесу, ормандарды ұтымды пайдалану, шөлейттенуге қарсы күрес, жердің тозу процесін тоқтату және кері қайтару, биоалуантүрліліктің жоғалу процесін тоқтату

Жүзеге асыру құралдарын нығайту және тұрақты даму мүддесіндегі Жаһандық серіктестік шеңберіндегі жұмысты жандандыру

Сандық платформа

Елдер ішіндегі және олардың арасындағы теңсіздікті қысқарту

Тұтыну мен өндірістің ұтымды модельдеріне көшуді қамтамасыз ету

Тұрақты даму мүддесінде бейбітсүйгіш және ашық қоғам құруға жәрдемдесу, барлығына сот төрелігіне қол жеткізуді қамтамасыз ету және барлық деңгейлерде тиімді, есепті және кең қатысуға негізделген мекемелер құру

Тиімді ұйым

Жан-жақты қамтитын және әділ сапалы білім беруді қамтамасыз ету және барлығына өмір бойы оқу мүмкіндігін көтермелеу

Ілгерілемелі, жан-жақты қамтитын және тұрақты экономикалық өсуге, толық әрі өнімді жұмыспен қамтуға және барлығына лайықты жұмысқа жәрдемдесу

Төзімді инфрақұрылым құру, жан-жақты қамтитын және тұрақты индустрияландыру мен инновацияларға жәрдемдесу

15-кесте. БҰҰ-ның тұрақты даму мақсаттарына қол жеткізуге қосылатын үлес

ТДМ-нің релевантты міндеттері

4.4 2030 жылға қарай жұмысқа орналасу, лайықты жұмыс алу және кәсіпкерлік қызметпен айналысу үшін сұранысқа ие дағдыларға, оның ішінде кәсіптік-техникалық дағдыларға ие жастар мен ересектердің санын едәуір арттыру.

«Қазақтелеком» АҚ-ның жобалары, бастамалары, орындалатын іс-шаралары

Корпоративтік университет, Leadership academy, EX academy, HSE&ESG academy, Сервис және сату академиясы, Техникалық академия, IT-академия, Qazaq&English academy, Қаржылық академия бағдарламалары.
Қызметкерлердің сандық және ЖИ-құзыреттіліктерін дамыту, UC Berkeley-мен бірлесіп оқыту, Cisco, C#, машиналық оқыту мен ЖИ бойынша техникалық курстар, инженерлік-техникалық командаларды GPU-кластер бойынша оқыту.
Бейінді ЖОО мен колледждер студенттеріне арналған тағылымдамалар, өндірістік практика, шеберлік сыныптары, қонақ дәрістері және кәсіптік бағдар беру іс-шаралары.
Білім беру мекемелерін жоғары жылдамдықты интернетке қосу, мектептердің сандық инфрақұрылымын дамыту, SmartED Seminar 2.0.

2025 жылғы нәтижелер

2025 жылы 69 606 тыңдаушы оқудан өтті, оқытудың жалпы көлемі 579 415 сағатты құрады, бір қызметкерге шаққандағы орташа оқу сағаты — 32,59 сағат.
80-нен астам қызметкер UC Berkeley-мен бірлесіп ЖИ мен цифрлық трансформация бойынша оқудан өтті; ОДС-тің 50 қызметкері сандық және ЖИ-бағыттар бойынша техникалық курстардан өтті.
2025 жылы Компанияда бейінді ЖОО мен колледждердің 470 студенті өндірістік практика мен тағылымдамадан өтті.
2025 жылы Компания 524 мектепті жоғары жылдамдықты интернетке қосты, ал пайдалану бөлімшелері қосымша 156 білім беру мекемесін ТОБЖ-ға қосты.

ТДМ-нің релевантты міндеттері

8.2 Әртараптандыру, техникалық жаңғырту және инновациялық қызмет арқылы, оның ішінде қосылған құны жоғары секторлар мен еңбекті көп қажет ететін секторларға ерекше назар аудару жолымен экономикадағы өнімділікті арттыруға қол жеткізу.

«Қазақтелеком» АҚ-ның жобалары, бастамалары, орындалатын іс-шаралары

Al-Farabium GPU-кластері, ЖИ-шешімдерге арналған есептеуіш қуаттарды дамыту, B2B мен B2G-клиенттерге GPU-ресурстарды ұсыну.
Big Data платформасын, SKAI DATA DWH/ETL/BI, «Деректер фабрикасын», OFD Категоризаторды, TV+ аналитикалық платформасын дамыту.
Клиенттік процестерді цифрландыру, Full Digital, TelecomKz мобильді қосымшасы, өтінімдер мен клиенттік сценарийлерді автоматтандыру.

2025 жылғы нәтижелер

NVIDIA H200 базасындағы GPU-кластер 26,8 PFLOPS FP64 және 1,5 EFLOPS FP8-ден астам өнімділікпен пайдалануға берілді; кластер TOP-500 рейтингінде 103-орынға ие болды.
Бизнес-бөлімшелерге арналған деректер витриналары, басқарушылық дашбордтар және аналитикалық шешімдер құрылды; деректер клиенттерді сегменттеу, антифрод, таргетинг, өнімдік аналитика және монетизация үшін пайдаланылады.
2025 жылы онлайн-сервистер мен сандық сату арналарын пайдаланатын клиенттердің үлесі 72,2%-ға жетті, сандық арналар арқылы түскен түсім үлесі — 36%.

ТДМ-нің релевантты міндеттері

8.8 Еңбек құқықтарын қорғау және барлық еңбекшілерге, оның ішінде еңбекші-мигранттарға, әсіресе мигрант-әйелдерге және тұрақты жұмыспен қамтылмаған тұлғаларға сенімді әрі қауіпсіз жұмыс жағдайларын қамтамасыз етуге жәрдемдесу.

«Қазақтелеком» АҚ-ның жобалары, бастамалары, орындалатын іс-шаралары

Адам құқықтары саласындағы саясатты, тең мүмкіндіктер, инклюзивтілік және әралуандылық саласындағы саясатты, жергілікті қоғамдастықтармен өзара іс-қимыл саясатын іске асыру.
Қызметкерлерге әлеуметтік қолдау көрсету, оның ішінде Ұжымдық шартта көзделген шаралар.
Ақпараттандыру және байланыс қызметкерлерінің салалық кәсіптік одағымен жаңа Ұжымдық шарт жасасу.
Қызметкерлерді әлеуметтік қолдаудың «Демеу» бағдарламасы.
Well-Being бағдарламасы және қызметкерлердің әл-ауқатын мониторингтеу.
БҰҰДБ-ның «Экологиялық әділеттілік пен жауапты бизнес-тәжірибелерді ілгерілету арқылы тұрақты даму» жобасы шеңберінде Компанияның адам құқықтары және адам құқықтары бойынша тиісті сақтық саласындағы саясаты мен рәсімдерін диагностикалау.
Еңбек жағдайларын, коммуникацияларды, әлеуметтік-тұрмыстық жағдайларды және қызметкерлердің жарақтандырылуын жақсарту.
Қызметкерлерді еңбекті қорғау, өнеркәсіптік қауіпсіздік бойынша оқыту және өндірістік қауіпсіздік процестерін автоматтандыру.

2025 жылғы нәтижелер

Компания жұмыс орнындағы кемсітушілікке, физикалық және психологиялық зорлық-зомбылыққа, мәжбүрлі және балалар еңбегіне, адам саудасына жол бермеу жөніндегі міндеттемелерді бекітеді, сондай-ақ үздік халықаралық тәжірибелерге сәйкес адам құқықтары саласындағы тәуекелдерді басқару рәсімін дамытуға ұмтылады.
Компания қызметкерлерінің 94%-ын қамтитын жаңартылған Ұжымдық шартқа қол қойылды. Оған сәйкес қызметкерлерге жұмыспен қамтылу сипатына қарамастан өмірді сақтандыру, медициналық қызмет көрсету, бала күтімі бойынша демалыс және зейнетақы бағдарламалары ұсынылады.
2025 жылғы 13 наурызда Компания қызметкерлерінің еңбек жағдайларын жақсартуға және әлеуметтік қорғалуын күшейтуге бағытталған жаңа редакциядағы Ұжымдық шартқа қол қойылды
2025 жылы «Демеу» бағдарламасы бойынша 1 700-ден астам қызметкерге жалпы сомасы 330 млн теңгеден асатын әлеуметтік қолдау көрсетілді
2025 жылы Well-Being жол картасының іс-шаралары жауапты орындаушыларды бекіте отырып және Компанияның 2 000-нан астам қызметкерін қамти отырып толық көлемде іске асырылды
Жүргізілген диагностика нәтижелері бойынша Компанияда адам құқықтарын ықтимал қозғайтын негізгі қаржылық емес тәуекелдерді қамтитын саясаттар, рәсімдер мен тетіктердің тармақталған жиынтығы қалыптастырылғаны атап өтілді.
2025 жылы Компания коммуникацияларды, әлеуметтік-тұрмыстық жағдайларды жақсарту, қызметкерлерді қажетті ресурстармен жарақтандыру, біліктілікті арттыру, корпоративтік мәдениетті дамыту және кәсіподақтар мен омбудсмен қызметі туралы хабардар ету бойынша іс-шаралар кешенін іске асырды
2025 жылы еңбекті қорғау мен өнеркәсіптік қауіпсіздік бойынша тренингтер мен оқыту бағдарламалары өткізілді;
«Өндірістік қауіпсіздік процестерін автоматтандыру» кешенді ақпараттық жүйесінің «Нұсқамалар» модулі функционалының негізгі бөлігі іске асырылды.

Төзімді инфрақұрылым құру, жан-жақты қамтитын және тұрақты индустрияландыру мен инновацияларға жәрдемдесу

ТДМ-нің релевантты міндеттері

9.1 Экономикалық дамуды және адамдардың әл-ауқатын қолдау мақсатында, барлығына қымбат емес әрі тең құқықты қол жеткізуді қамтамасыз етуге ерекше назар аудара отырып, өңірлік және трансшекаралық инфрақұрылымды қоса алғанда, сапалы, сенімді, тұрақты және төзімді инфрақұрылымды дамыту.

«Қазақтелеком» АҚ-ның жобалары, бастамалары, орындалатын іс-шаралары

ТОБЖ, FTTH, GPON дамыту, қол жеткізу желісін жаңғырту, абоненттерді мыс желіден оптикаға көшіру.
«Қолжетімді интернет» ұлттық жобасы, ауылдық және шекара маңы аумақтарында байланысты дамыту.
«Ауыл Online» жобасы.
Магистральдық желіні, халықаралық арналарды, DWDM, Alien Wavelength L1-арналарын дамыту.

2025 жылғы нәтижелер

Көппәтерлі тұрғын үйлердегі 68 438 абонент пен жеке сектордың 24 245 абоненті үшін жоғары жылдамдықты интернетке қосылу мүмкіндігі қамтамасыз етілді; 77 598 пайдаланушы мыс желілерінен оптикалық желілерге көшірілді.
Жоба шамамен 1,2 млн адам тұратын 2 991 ауылдық елді мекенді, сондай-ақ 38 халықаралық өткізу пунктін қамтиды.
2027 жылдың соңына дейін ауылдық аудандардың 1 млн-нан астам тұрғынын жоғары жылдамдықты интернетке қол жеткізумен қамтамасыз ету жоспарлануда; жоба 2 991 ауылды, 62 мың үйді, 2 011 мектепті және 3 029 мемлекеттік мекемені қамтиды.
Қытай — Ресей 12×100 Гбит/с транзиттік арналары, China Telecom-мен тоғыста 6×100 Гбит/с, China Mobile-мен 1×100G арнасы, сондай-ақ мемлекеттік тапсырыс берушілерге 100 Гбит/с дейінгі L1-арналар қызметі ұйымдастырылды.

ТДМ-нің релевантты міндеттері

9.2 Ақпараттық-коммуникациялық технологияларға қол жеткізуді едәуір кеңейту және неғұрлым аз дамыған елдерде интернетке жалпыға бірдей әрі қымбат емес қол жеткізуді қамтамасыз етуге ұмтылу.

«Қазақтелеком» АҚ-ның жобалары, бастамалары, орындалатын іс-шаралары

5G, Private LTE дамыту, өнеркәсіпті, көлікті және бейнебақылау жүйелерін цифрландыру.
Ұялы операторларға арналған байланыс арналарын салу.
ДӨО, GPU-кластерді, «ДӨО алқабын» дамыту, Қосшы қаласында ДӨО салу.

2025 жылғы нәтижелер

2023–2025 жж. 2 612 5G базалық станциясы салынды; 2025 жылы өнеркәсіптік кәсіпорындарға, көлікке және бейнебақылау жүйелеріне арналған 9 жекеше LTE желілері жобасы мен 1 5G жобасы іске асырылды.
«Кселл» АҚ және МТС ұялы операторлары үшін оптикалық трансмиссия 151 4G LTE базалық станциясына және 476 5G базалық станциясына дейін жеткізілді.
2025 жылы ЖИ-платформаға 16 512,35 млн теңгеге жабдық сатып алынды, 400 NVIDIA H200 GPU бар 50 сервер орнатылды, 6 PB қоймасы өрістетілді.

Елдер ішіндегі және олардың арасындағы теңсіздікті қысқарту

ТДМ-нің релевантты міндеттері

10.3 Мүмкіндіктер теңдігін қамтамасыз ету және нәтижелер теңсіздігін азайту, оның ішінде кемсітушілік заңдарды, саясат пен практиканы жою, сондай-ақ осы бағытта тиісті заңнаманы, саясат пен шараларды қабылдауға жәрдемдесу жолымен.

«Қазақтелеком» АҚ-ның жобалары, бастамалары, орындалатын іс-шаралары

Компанияның әйел персоналының білімі мен құзыреттіліктерін арттыруға бағытталған «Өңірлердегі әйелдерді қолдау» бағдарламасының жұмыс істеуі
Тең мүмкіндіктер, инклюзивтілік және әралуандылық саласындағы саясатты іске асыру
Ерекше қажеттіліктері бар адамдарға арналған «Әлеуметтік» жеңілдікті тарифтік жоспары.

2025 жылғы нәтижелер

14% — Басқармадағы әйелдер үлесі.

Қалалар мен елді мекендердің ашықтығын, қауіпсіздігін, өміршеңдігін, экологиялық тұрақтылығын қамтамасыз ету

ТДМ-нің релевантты міндеттері

11.3 2030 жылға қарай барлық елдерде баршаға ашық және экологиялық тұрақты урбанизация ауқымдарын, елді мекендерді кешенді әрі тұрақты жоспарлау мен оларды кең қатысу негізінде басқару мүмкіндіктерін кеңейту.

«Қазақтелеком» АҚ-ның жобалары, бастамалары, орындалатын іс-шаралары

«Қауіпсіз аула», «Ақылды аялдама», «Ақылды лифт», смарт-бейнежетондар, HCBM бейнемониторинг жүйесі, қалалық қауіпсіздіктің цифрлық сервистері.
Мемлекеттік органдарға арналған «Дрондардың бірыңғай инфрақұрылымы».
Ақмола облысының білім беру объектілеріне арналған бейнебақылау жүйесі.

2025 жылғы нәтижелер

2025 жылы Компания қоғамдық қауіпсіздікке, қала инфрақұрылымын, жолаушылар ағынын, лифт жабдығын мониторингтеуге және жағдайлық бақылауға арналған ЖИ-жобаларды дамытты.
2025 жылы Компания аумақтар мен объектілерді қашықтан мониторингтеуге арналған бірыңғай технологиялық ортаны қалыптастыратын жобаны іске асыруға кірісті; жобаны аяқтау 2030 жылға жоспарланған.
464 білім беру объектісі бойынша 3 300-ден астам бейнекамера ДП ЖБО-ға бейнеағындарды бере отырып шығарылды, оның ішінде 1 000-нан астам камера кіреберіс топтарында орнатылды.

Тұтыну мен өндірістің ұтымды модельдеріне көшуді қамтамасыз ету

ТДМ-нің релевантты міндеттері

12.2 2030 жылға қарай табиғи ресурстарды ұтымды игеруге және тиімді пайдалануға қол жеткізу.

«Қазақтелеком» АҚ-ның жобалары, бастамалары, орындалатын іс-шаралары

Компанияның ресурстарды ұтымды пайдалану және қалдықтарды қайта өңдеу тәсілдерін формализациялау және айқындау.

2025 жылғы нәтижелер

2025 жылы Компанияда Су ресурстарын басқару бағдарламасы мен Өндіріс және тұтыну қалдықтарын басқару бағдарламасы әзірленіп, бекітілді
2025 жылы 258 тоннадан астам ескірген кабельдер бөлшектелді; FTTH жобасы шеңберінде шамамен 7,7 мың тонна мыс кабелін босату жоспарлануда
2025 жылы 92,6 тонна қалдық кәдеге жаратылды; есептен шығарылған телекоммуникациялық жабдық пен кабель сынықтары мамандандырылған ұйымдарға сақтауға және кәдеге жаратуға беріледі.

ТДМ-нің релевантты міндеттері

12.6 Компанияларға, әсіресе ірі және трансұлттық компанияларға өндірістің тұрақты әдістерін қолдануды және өз есептерінде ресурстарды ұтымды пайдалану туралы ақпаратты көрсетуді ұсыну.

«Қазақтелеком» АҚ-ның жобалары, бастамалары, орындалатын іс-шаралары

«Қазақтелеком» АҚ-да ESG-тәжірибелерді дамыту жөніндегі Жол картасын іске асыру
Электрондық қалдықтар, аккумуляторлық батареялар, кабельдер және кеңсе қалдықтары бойынша мақсаттар қою.

2025 жылғы нәтижелер

2025 жылы ESG тәжірибелерін дамыту жөніндегі Жол картасының 49 іс-шарасын іске асыру.
Бағдарламада қайта өңделген e-waste үлесі, қайта пайдалануға арналған жабдық саны және есептен шығарылған жабдықты сақтау мерзімін қысқарту бойынша 2032 жылға дейінгі нысаналы және аралық көрсеткіштер белгіленген.

ТДМ-нің релевантты міндеттері

15.1 Халықаралық келісімдерден туындайтын міндеттемелерге сәйкес жерүсті және ішкі тұщы су экожүйелерінің және олардың қызметтерінің, оның ішінде ормандардың, сулы-батпақты алқаптардың, таулар мен құрғақ жерлердің сақталуын, қалпына келтірілуін және ұтымды пайдаланылуын қамтамасыз ету.

«Қазақтелеком» АҚ-ның жобалары, бастамалары, орындалатын іс-шаралары

Желілерді салғаннан кейін жерлерді рекультивациялау жөніндегі іс-шараларды өткізу;
Биоәртүрлілік пен жер ресурстарын басқару жөніндегі нұсқаулыққа сәйкес іс-шараларды өткізу;
«Таза Қазақстан» республикалық экологиялық кампаниясына қатысу.

2025 жылғы нәтижелер

2023–2024 жылдары «Қазақтелеком» АҚ қызметінің биоәртүрлілікке, жер, су ресурстарына, атмосфералық ауаға әсерін, қатысу орындарындағы физикалық әсерді бағалау мен мониторингтеу жүргізілді.
«Таза Қазақстан» шеңберінде Астана мен Алматыда экологиялық акциялар, балалар суреттері байқауы, эко-жәрмеңке, қайталама материалдардан инсталляциялар байқауы өткізілді; мектеп оқушыларымен бірлесіп 75 мың ағаш отырғызылды.

ТДМ-нің релевантты міндеттері

16.5 Сыбайлас жемқорлық пен парақорлық ауқымын олардың барлық нысандарында едәуір қысқарту.

«Қазақтелеком» АҚ-ның жобалары, бастамалары, орындалатын іс-шаралары

Сыбайлас жемқорлыққа қарсы іс-қимыл саясатын іске асыру.
Компанияда қызметкерлерге сыбайлас жемқорлыққа қарсы тренингтерді тұрақты өткізу.
Сыбайлас жемқорлық тәуекелдерінің ішкі талдауын жүргізу.

2025 жылғы нәтижелер

2025 жылы «Қазақтелеком» АҚ-да және ЕҰ-да сыбайлас жемқорлық пен парақорлықтың расталған жағдайлары тіркелмеді
2025 жылы 13 651 қызметкер, немесе 75%, сондай-ақ 5 730 іскери серіктес хабардар етілді
Барлық жаңа қызметкерлер міндетті кіріспе онлайн-курстан өтеді; 2025 жылы басшылықты корпоративтік басқару, комплаенс және ЖИ-технологиялар бойынша оқыту өткізілді.

ТДМ-нің релевантты міндеттері

17.16 Барлық елдерде, әсіресе дамушы елдерде тұрақты даму саласындағы мақсаттарға қол жеткізуді қолдау үшін білімді, тәжірибені, технологиялар мен қаржы ресурстарын жұмылдыратын және тарататын көптеген мүдделі тараптардың қатысуымен серіктестіктермен толықтырылатын тұрақты даму мүддесіндегі Жаһандық серіктестікті нығайту.

«Қазақтелеком» АҚ-ның жобалары, бастамалары, орындалатын іс-шаралары

Заң шығарушы және атқарушы билік органдарымен, азаматтық қоғам институттарымен, жергілікті қоғамдастықтармен және бизнес-қоғамдастықтармен өзара іс-қимыл.
Халықаралық және ұлттық қауымдастықтарға қатысу.
Жұмыс топтарына, мемлекеттік құрылымдардың бейінді комитеттеріне және қауымдастықтарға мүшелік.

2025 жылғы нәтижелер

«Global Connectivity», «Best Network Partner» және «CC-GlobalAwards 2025» халықаралық марапаттау рәсімдеріне қатысу.
2025 жылдың қыркүйегінде «Қазақтелеком» АҚ Нью-Йоркте БҰҰ Бас Ассамблеясының 80-сессиясы шеңберінде өткен БҰҰ Жаһандық шартының (UN Global Compact) халықаралық іс-шараларына қатысты.
22-26 қыркүйек аралығында UN Global Compact Hub алаңындағы іскерлік бағдарлама тұрақты даму мәселелеріне және бизнесті жауапты жүргізудің үздік тәжірибелерімен алмасуға арналды.
22 қыркүйекте «SDG Innovation Powerhouse: Catalyzing System Change» сессиясы шеңберінде «Қазақтелеком» АҚ Басқарма Төрағасы Бағдат Мусин жоғары деңгейдегі панельдік пікірталаста спикер болды.
Компанияның іс-шараларға қатысуы халықаралық ынтымақтастықты дамытуға және бизнесті тұрақты әрі жауапты жүргізу қағидаттарын ілгерілетуге ықпал етті.

ТДМ-нің релевантты міндеттері

17.17 Серіктестердің ресурстарды пайдалану тәжірибесі мен стратегияларына сүйене отырып, мемлекеттік ұйымдар арасындағы, мемлекеттік және жеке секторлар арасындағы және азаматтық қоғам ұйымдары арасындағы тиімді серіктестікті ынталандыру және көтермелеу.

«Қазақтелеком» АҚ-ның жобалары, бастамалары, орындалатын іс-шаралары

«Қолжетімді интернет» жобасы бойынша ҚР ЦДИАӨМ-мен инвестициялық келісім.
Білім беру және әлеуметтік инфрақұрылым бойынша Ағарту министрлігімен, цифрландыру басқармаларымен, мемлекеттік органдармен және әкімдіктермен бірлескен жұмыс.

2025 жылғы нәтижелер

2025 жылы 2 991 ауылдық елді мекенді жоғары жылдамдықты интернетке қосу туралы инвестициялық келісімге қол қойылды.
SmartED Seminar 2.0 өткізілді; мектептерді қосу, білім беру мекемелеріндегі бейнебақылау және өңірлердің сандық инфрақұрылымын дамыту жобалары іске асырылды.