Казахтелеком

73%

PDF
PDF

4.3. Тұрақты даму саласындағы есеп: S аспектісі

4.3.3. Жұмыс орнындағы денсаулық пен қауіпсіздік

2025 жылғы негізгі көрсеткіштер

0,07

жыл ішіндегі өндірістік жарақаттар саны 2 жағдайды құрады (LTIFR коэффициенті)

-33,3%

ауыр жарақат алу жағдайларының қысқаруы

100%

персонал және штаттан тыс қызметкер 2025 жылы Еңбекті қорғау және қауіпсіздікті басқару жүйесімен қамтылды

10 306

қызметкер

еңбекті қорғау және өнеркәсіптік қауіпсіздік бойынша оқудан өтті

2 752

қызметкер

қауіпсіздік мәдениеті бағдарламасынан өтті

2025 жылғы негізгі оқиғалар

Қызметкерлер мен мердігерлік ұйымдар арасында ЖКО-ның алдын алу бойынша кешенді шаралар іске асырылды, оның ішінде Көлік құралдарын қауіпсіз пайдалануды қамтамасыз ету жөніндегі жаңа Бағдарлама енгізілді.

Қызметкерлердің тартылуын арттыруға баса назар аудара отырып, еңбекті қорғау мен қауіпсіздікті басқару жүйесін іске асыру жалғасты, оның ішінде «Қауіпсіздік және еңбекті қорғау карточкасы» бағдарламасы, оның шеңберінде 35 505 карточка толтырылды.

Еңбек қауіпсіздігі бойынша 10-нан астам оқыту сессиясы ұйымдастырылды.

Жарақаттанудың алдын алу және жұмыс орындарындағы қауіпсіздік бағдарламасы шеңберінде 185 қызметкер қатысқан Жарақаттанудың алдын алу командасының жұмысы жалғасты.

Компания үшін ең жоғары құндылық — қызметкерлердің өмірі мен денсаулығын сақтау. Компания өз қызметінде өндірістік қауіпсіздік мәселелеріне жауапты тәсілді ұстанады.

4.3.3.1. Басқару тәсілі

GRI 3-3

«Қазақтелеком» АҚ Даму стратегиясының негізгі бағыттары қызметкерлерге қауіпсіз әрі жайлы еңбек жағдайларын жасау, сондай-ақ өндірістік қызметпен байланысты тәуекелдерді және төтенше жағдайлардың туындау тәуекелдерін барынша азайту болып қала береді.

Өндірістік қауіпсіздік мәселелері Компания саясатында стратегиялық маңызды орын алады және қызметтің тұрақтылығын, операциялық процестердің үздіксіздігін және заңнама талаптарының сақталуын қамтамасыз ететін негізгі басымдықтардың бірі ретінде қарастырылады. Қауіпсіздікті қамтамасыз ету тәсілдері корпоративтік стратегияға және тәуекелдерді басқару жүйесіне интеграцияланған және басқарудың барлық деңгейлерінде, оның ішінде жұмыстарды орындау кезінде қызметкерлердің денсаулық пен қауіпсіздік үшін жеке жауапкершілік мәдениетін дамытуды қоса алғанда, іске асырылады. Компания өндірістік қауіпсіздік саласындағы үздік әлемдік стандарттарға сәйкестікке бағдарланған, ұлттық және халықаралық талаптарды қатаң сақтайды, өзінің Еңбекті қорғау мен өндірістік қауіпсіздікті басқару жүйесін үнемі жетілдіреді.

«Қазақтелеком» АҚ-да еңбекті қорғау және өндірістік қауіпсіздік саласындағы қызметті регламенттейтін негізгі құжаттар Еңбекті қорғау және өндірістік қауіпсіздік саласындағы саясат пен Еңбекті қорғауды басқару жүйесі туралы ереже болып табылады. Көрсетілген құжаттардың әрекеті Компанияның барлық қызметкерлеріне және мердігерлеріне қолданылады.

«Қазақтелеком» АҚ-ның ҚжЕҚ саласындағы басым міндеттері:

  • Қазақстан Республикасының Еңбек кодексін тиісті сақтау және қолдану;
  • қауіпсіз еңбек шарттары мен жұмыс орындарын ұсыну;
  • еңбекті қорғау мен өндірістік қауіпсіздікті басқару жүйесін жетілдіру;
  • жұмыс орындарындағы қауіптер мен тәуекелдерді уақтылы анықтау, бағалау және төмендету;
  • қауіпсіздік пен еңбекті қорғау саласындағы заманауи технологиялар мен озық тәжірибе тәжірибелерін пайдалану;
  • өндірістік жарақаттанушылық пен кәсіби аурулардың алдын алудың заманауи құралдары мен әдістерін енгізу;
  • қызметкерлерді қауіпсіздікті қамтамасыз ету мәселелеріне тарту және қауіпсіз еңбек мәдениетін дамыту;
  • қызметкерлердің өмірі, денсаулығы мен еңбекке қабілеттілігін сақтау.

«Қазақтелеком» АҚ-ның еңбекті қорғау мен өндірістік қауіпсіздікті басқару жүйесі жұмыс істейтін
негізгі ішкі құжаттар:

  • «Қазақтелеком» АҚ-ның еңбекті қорғау және өндірістік қауіпсіздік саласындағы саясаты.
  • «Қазақтелеком» АҚ қызметкерлерін арнайы киіммен, арнайы аяқ киіммен және жеке қорғаныс құралдарымен қамтамасыз ету регламенті.
  • «Қазақтелеком» АҚ қызметкерлерін қауіпсіздік пен еңбекті қорғау мәселелері бойынша оқытуды, нұсқаулар беруді және білімді тексеруді жүргізу қағидалары.
  • «Қазақтелеком» АҚ филиалдарында Қауіпсіздік пен еңбекті қорғау жағдайын төрт сатылы бақылауды жүргізу қағидалары.
  • «Қауіпсіздік пен еңбекті қорғау карточкасы» бағдарламасының стандарты.
  • Қауіпсіздік пен еңбекті қорғау саласындағы қызметкерлерді көтермелеу регламенті.
  • «Қазақтелеком» АҚ-да төтенше оқиғалар кезіндегі әрекеттер тәртібі.
  • «Қазақтелеком» АҚ-ның көлік құралдарын басқару саясаты.
  • «Қазақтелеком» АҚ-ның көлік құралдарын қауіпсіз пайдалануды қамтамасыз ету стандарты.
  • «Қазақтелеком» АҚ қызметкерлеріне міндетті мерзімдік медициналық тексеру жүргізу қағидалары.
  • «Қазақтелеком» АҚ-ның жоғары қауіптілік жағдайларында рұқсат-нарядтары бойынша жұмыс жүргізу қағидалары.
  • «Қазақтелеком» АҚ-да өрт қауіпсіздігі қағидалары.
  • Қашықтан жұмыс істеу нысаны кезіндегі қауіпсіздік және еңбекті қорғау қағидалары.
  • «Авариялық жағдайларға дайындық пен әрекет ету» құжатталған рәсімі.

4.3.3.2. Басқару құрылымы мен құралдары

«Қазақтелеком» АҚ-да жауапкершілікті бөлуді және функцияларды басқарудың барлық деңгейлерінде үйлестіруді қамтамасыз ететін еңбекті қорғау мен өндірістік қауіпсіздікті басқарудың көпдеңгейлі жүйесі қалыптастырылған.

Жауапты тұлғалар мен басқару органдары:

  • Басқарма Төрағасы — өндірістік қауіпсіздік саласындағы заңнаманың сақталуы мен қауіпсіз еңбек шарттарын жасау үшін жалпы жауапкершілікті көтереді.
  • Бас әкімшілік директор — бөлімшелер қызметін үйлестіреді және еңбекті қорғау мен өндірістік қауіпсіздік саласындағы мемлекеттік саясаттың іске асырылуын қамтамасыз етеді.
  • Өндірістік қауіпсіздік дирекциясы — барлық құрылымдық бөлімшелерде қауіпсіздік стандарттарын әзірлеу мен енгізуді, әдіснамалық сүйемелдеуді және талаптардың сақталуын бақылауды жүзеге асырады.
  • Облыстық және аудандық бөлімшелердегі қауіпсіздік пен еңбекті қорғау жөніндегі инженерлер — орындарда қауіпсіздік талаптарының сақталуын бақылауды қамтамасыз етеді.
  • Өндірістік кеңес — инциденттерді қарайтын, оқиғалардың себептерін талдайтын және еңбек шарттарын жақсарту бойынша ұсынымдарды қалыптастыратын қызметкерлер, кәсіподақтар мен басшылықтың өкілдері қатысатын алқалы орган.

Өндірістік қауіпсіздік саласындағы негізгі құралдар:

  1. Ішкі нормативтік актілерді әзірлеу және енгізу:
  • Өндірістік қауіпсіздік саласындағы саясаттар: Компанияның жұмыс орнындағы қауіпсіздікті қамтамасыз ету тәсілін сипаттайтын жалпы құжат.
  • Стандарттар, регламенттер, еңбекті қорғау қағидалары: Компания бөлімшелерінде жұмыстарды қауіпсіз орындау бойынша егжей-тегжейлі нұсқаулықтар.
  • Тәуекелдерді бағалау: жұмыс процесінде туындауы мүмкін ықтимал тәуекелдерді тұрақты бағалау және талдау.
  • Өндірістік қауіпсіздік жөніндегі нұсқаулықтар: әртүрлі лауазымдар мен процестер үшін арнайы нұсқаулықтарды әзірлеу.
  1. Персоналды оқыту және сертификаттау:
  • Барлық деңгейдегі қызметкерлерге арналған қауіпсіздік бойынша оқыту және нұсқамалық бағдарламалары. Төтенше жағдайлардағы әрекеттер бойынша мерзімді жаттығулар (өрт қауіпсіздігі, апаттар кезіндегі әрекеттер, алғашқы көмек және т.б.).
  • Жұмыс орындарын еңбекті қорғау жөніндегі нормативтік талаптарға сәйкестігін куәландыру үшін олардың сертификаттау және аттестаттау жүйесін енгізу.
  1. Мониторинг және бақылау
  • Инспекциялар мен аудиттер: өндірістік қауіпсіздік стандарттарының сақталуын қамтамасыз ету үшін орындардағы тұрақты тексерулер.
  • Еңбек қауіпсіздігін басқару жүйесі: қауіпті факторлар мен қауіпті мінез-құлықты тіркеуді, борттық мониторинг жүйелерін, СТОП-карталарды беруді, оқиғаларды есепке алуды, жарақаттануды талдауды, есептілікті, басшы құрамға ЕҚ және ЕҚ (еңбекті қорғау және қауіпсіздік) бойынша ҚТИ (қол жеткізілген тиімділік көрсеткіштері) белгілеуді қамтиды.
  • Жұмыс орнындағы қауіпсіздік тәуекелдері: жұмыс орындарындағы еңбек шарттарын инспекциялау және сәйкессіздіктер анықталған кезде түзету шараларын енгізу.
  1. Оқиғаларды талдау және тергеп-тексеру
  • Жазатайым оқиғаларды ішкі тергеп-тексеру: оқиғалардың себептерін талдау процедурасы, оның нәтижесі бойынша есептер жасау және жағдайды жақсарту бойынша ұсыныстар әзірлеу.
  • Құжаттама: барлық оқиғаларды, авариялар мен инциденттерді есепке алуды жүргізу, сондай-ақ олардың қайталануының алдын алу бойынша шаралар қабылдау.
  1. Еңбек жағдайларын жақсарту бағдарламалары
  • Жеке қорғаныс құралдарын (ЖҚҚ) пайдалану: қызметкерлерді қажетті қорғаныс құралдарымен қамтамасыз ету.
  • Алдын алу бағдарламалары: өндірістік қызметпен байланысты аурулардың алдын алу үшін тұрақты медициналық тексерулер, алдын алу іс-шаралары.
  1. Кәсіподақтар және қызметкерлердің қатысуы
  • «Қазақтелеком» АҚ-да қызметкерлер мен кәсіподақтардың пікірін есепке алу механизмдері бар, бұл екіжақты қарым-қатынас орнатуға және еңбекті қорғау жағдайына бірлесіп бақылау жасауға ықпал етеді. Оған мыналар кіреді:
    • өндірістік қауіпсіздік мәселелері бойынша мерзімді жиналыстар;
    • еңбек жағдайларын жақсарту бойынша қызметкерлерден кері байланыс жүйесі;
    • өндірістік қауіпсіздік стандарттарын сақтағаны үшін қызметкерлерді мотивациялау бағдарламалары.

4.3.3.3. Қызметкерлерді еңбек қауіпсіздігі мәселелерін басқаруға тарту

GRI 403-2, 403-4

«Қазақтелеком» АҚ өндірістегі қауіпсіздік мәселелерін басқаруда және қауіпсіз еңбек мәдениетін дамытуда қызметкерлердің маңызды рөлін түсінеді. А Компания қызметкерлерін еңбекті қорғауды басқару жүйесін әзірлеуге, енгізуге және бағалауға белсенді тартады. Компанияның барлық филиалдары мен орталық аппаратында қауіпсіздік және еңбекті қорғау жөніндегі өндірістік кеңестер құрылған, олар қызметкерлермен бірлесіп еңбекті қорғау саласындағы талаптардың сақталуын қамтамасыз ету, өндірістік жарақаттанушылық пен кәсіби аурулардың алдын алу бойынша жұмысқа қатысады, сондай-ақ жұмыс орындарындағы еңбек жағдайлары мен еңбекті қорғау жағдайына тексерулер жүргізеді. А Сонымен қатар, дағдарыстық жағдайлар туындаған кезде Компания Азаматтық қорғаныс штабымен бірлесіп ӨҚД қатысуымен дағдарыстық жағдайларды тергеу және жою жөніндегі жұмыс тобын қалыптастырады.

А «Қазақтелеком» АҚ-да филиалдар басшылары, құрылымдық бөлімшелер өкілдері мен мердігерлік ұйымдар қатысатын ай сайынғы кеңестерді өткізу ұйымдастырылған, олардың шеңберінде еңбекті қорғау және өндірістік қауіпсіздік саласындағы енгізіліп жатқан бағдарламалар мен бастамалар талқыланады. A Барлық аппараттық және өндірістік кеңестерді қауіпсіздік пен еңбекті қорғау мәселелері бойынша қысқа талқылаулардан бастау тәжірибесі енгізілді.

А Компания қызметкерлері сондай-ақ үздік тәжірибелерді «Қазақтелеком» АҚ-да одан әрі тарату мақсатында «Самұрық-Қазына» АҚ портфельдік компанияларының өндірістік объектілерінде ұйымдастырылған HSE комитеті алаңында озық тәжірибе алмасуға қатысты. А

А Сонымен қатар, Компанияның барлық құрылымдық бөлімшелерінде өндірістік қауіпсіздікті қамтамасыз ету мен жұмыс орындарының белгіленген талаптарға сәйкестігі мәселелерін қамтитын ішкі аудит жүргізілді.  А

А «Қауіпсіздік пен еңбекті қорғау карточкасы» бағдарламасы

«Қазақтелеком» АҚ-да 2022 жылдан бастап Компания қызметкерлерінің еңбекті қорғау мен өндірістік қауіпсіздік жүйесін жетілдіру процесіне тартылу деңгейін арттыруға бағытталған «Қауіпсіздік пен еңбекті қорғау карточкасы» бағдарламасының (ҚжЕҚ карточкалары) стандарты енгізілген.

Бағдарлама әрбір жұмыс орнындағы қауіпті өндірістік факторлар, қауіпсіз емес еңбек жағдайлары, жекелеген қызметкерлердің қауіпті әрекеттері мен мінез-құлқы, ықтимал қауіпті жағдайлар мен авария алдындағы жағдайлар туралы анықтауға және хабарлауға, сондай-ақ ҚжЕҚ жағдайын жақсарту бойынша ұсыныстар енгізуге мүмкіндік береді. А

Бағдарламаның мақсаты ұйымның қоршаған ортасына және мүлкіне жарақат немесе зиян келтіру тәуекелдерін жою мен бақылау ғана емес, сонымен бірге Компания қызметкерлерін әр жұмыс орнындағы, учаскедегі, нысандағы карточкалар арқылы өндірістік тәртіпті нығайту, қауіпсіз еңбек мәдениетін дамыту бойынша ортақ іске тарту болып табылады.

ҚжЕҚ карточкалары еңбекті қорғау, қауіпсіздік пен қоршаған ортаны қорғаумен байланысты барлық мәселелер түрлері бойынша ақпаратты хабарлау мен беру үшін пайдаланылады. Жүйе сондай-ақ анықталған проблемаларды жою процесін бақылауға, оларды уақтылы шешу мен жабуды қамтамасыз етуге мүмкіндік береді.

185

Компания қызметкері

2025 жылы ҚжЕҚ жұмысына қатысты

2025 жылы тәуекелдердің топ-3-іне мыналар енді:

  • ЖҚҚ;
  • денсаулықты қорғау;
  • биіктікте жұмыс істеу.

ӨҚД Қызметінің құрамына кірмейтін қызметкерлердің тартылуын арттыру үшін барлық қызметкерлерді қауіпсіздік пен еңбекті қорғау карточкаларын ресімдеу және тіркеу бойынша оқыту туралы шешім қабылданды. Қосымша Бағдарламаға қатысу мотивациясы үшін ең белсенді қатысушыларды құнды сыйлықтармен көтермелеу көзделген.

2025 жылы барлығы қызметкерлер 35 505 карточка толтырды, бұл бастаманың Компания қызметкерлері үшін маңыздылығын растайды.

Жыл сайын филиалдардың Бас директорларымен келісілген және Бас әкімшілік директор бекіткен Өндірістік қауіпсіздік жөніндегі іс-шаралар жоспары әзірленеді және бекітіледі.

Қосымша Компанияда «Қауіпсіздік пен еңбекті қорғау саласындағы қызметкерлерді көтермелеу регламентіне» сәйкес қауіпсіз еңбек шарттарын жасау мен жарақаттанушылықтың нөлдік деңгейіне қол жеткізу бойынша жұмысқа қатысқаны үшін қызметкерлерді көтермелеу жүзеге асырылады.

GRI 403-8

60-кесте. Жұмыс орнындағы еңбекті қорғау мен қауіпсіздік мәселелерін басқару жүйесімен қамтылған қызметкерлер, адам

Атауы 2023 2024 2025
Адам Үлесі, % Адам Үлесі, % Адам Үлесі, %
Қызметкерлердің тізімдік саны, барлығы 19 022 100% 18 395 100% 17 780 A 100% A
Жұмыс орнындағы еңбекті қорғау мен қауіпсіздік мәселелерін басқару жүйесімен қамтылған қызметкерлер 19 022 100% 18 395 100% 17 780 A 100% A

GRI 403-8

61-кесте. Жұмыс орнындағы еңбекті қорғау мен қауіпсіздік мәселелерін басқару жүйесімен қамтылған штаттан тыс қызметкерлер, адам

Атауы 2023 2024 2025
Адам Үлесі, % Адам Үлесі, % Адам Үлесі, %
Қызметкерлердің тізімдік саны, барлығы 518 100% 1 968 100% 636 A 100% A
Жұмыс орнындағы еңбекті қорғау мен қауіпсіздік мәселелерін басқару жүйесімен қамтылған штаттан тыс қызметкерлер 518 100% 1 968 100% 636 A 100% A

4.3.3.4. Қауіпсіздік пен еңбекті қорғау мәселелерін басқару жүйесін жетілдіру

GRI 403-1

А Компания еңбек қауіпсіздігі мен қызметкерлер денсаулығын қорғау саласындағы халықаралық стандарттарға сәйкес келуге ұмтылады. Компанияда халықаралық стандарттарға сәйкес келетін денсаулықты қорғау мен еңбек қауіпсіздігі менеджменті жүйелері енгізілген. Еңбекті қорғау мен өндірістік қауіпсіздікті басқару жүйесі «ХЕҰ ЕҚБЖ 2001 ILO-OSH 2001 Еңбекті қорғауды басқару жүйелері жөніндегі басшылыққа» және ISO 45001:2018 халықаралық стандартына сәйкес бірыңғай талаптарды белгілейді. А

А Компания өзінің еңбекті қорғау мен өндірістік қауіпсіздікті басқару жүйесін ILO-OSH халықаралық стандартының, олардың ұлттық аналогы ҚР СТ ISO 45001–2018 талаптарына сәйкес үнемі жетілдіреді. А

А Есепті жылы өндірістік қауіпсіздікті басқару жүйесін дамыту мен жетілдіру жұмысы жалғасты. Компанияда қауіпті іс-әрекеттер мен жағдайларды анықтауға, сондай-ақ қызметкерлермен қауіпсіз мінез-құлық модельдерін талқылауға бағытталған мінез-құлықтық талдау құралдары — Қауіпсіздіктің мінез-құлықтық аудиті (ҚМА) мен Қауіпсіздіктің мінез-құлықтық диалогы (ҚМД) енгізілді. А

Еңбекті қорғауды басқару жүйесінің жұмыс істеуін қамтамасыз ету мақсатында 2025 жылы мыналар жүзеге асырылды:

  • жоспарлы және жоспардан тыс тексерулер, оның ішінде төрт сатылы бақылау, бұзушылықтарды анықтау және олардың жойылуын бақылау;
  • қызметкерлерді жеке қорғаныс құралдарымен қамтамасыз ету мен оларды қолдану қағидаларының сақталуын бақылау;
  • өндірістік қауіпсіздік бойынша каскадтық жоспарды және интеграцияланған менеджмент жүйесінің мақсаттары мен жоспарларын іске асыру;
  • өндірістік қауіпсіздік бойынша ішкі нормативтік құжаттарды өзектендіру және филиалдарға әдістемелік көмек көрсету.

Қауіпсіз еңбек мәдениеті мен қызметкерлердің кәсіби құзыреттілігін дамыту шеңберінде мынадай іс-шаралар өткізілді:

  • 28 сәуірде Дүниежүзілік еңбекті қорғау күні шеңберінде Компания Басқарма Төрағасының төрағалығымен өндірістік қауіпсіздік мәселелеріне арналған жұмыс кеңесі өткізілді;
  • 2025 жылғы 01 тамызда Павлодар қ. Компания қызметкерлері арасында «Жастар және еңбекті қорғау» байқауы ұйымдастырылды;
  • 2025 жылғы 17 қыркүйекте Атырау қ. еңбекті қорғау жөніндегі инженерлер арасында Олимпиада алғаш рет өткізілді;
  • 2025 жылғы 09 желтоқсанда Астана қ. «Қазақтелеком» АҚ басшылығы, «Самұрық-Қазына» АҚ-ның, портфельдік компаниялардың, филиалдар мен еншілес ұйымдардың өкілдері қатысқан «Be Safe: жеке жауапкершілік пен көшбасшылық» өндірістік қауіпсіздік форумы өткізілді.

Жыл бойы филиалдардың құрылымдық бөлімшелерінің басшылары мен мамандары үшін өндірістік қауіпсіздік мәселелері бойынша дөңгелек үстелдер, семинарлар және шеберлік сабақтары форматында түсіндіру жұмыстары жүргізілді.

Көрсетілген іс-шараларды іске асыру тәуекелдерді басқаруға бірыңғай тәсілдерді дамытуға және Компанияда қауіпсіздік мәдениетін қалыптастыруға бағытталған.

4.3.3.5. Тәуекелдерді бағалау

GRI 403-2

«Қазақтелеком» АҚ еңбекті қорғау және өндірістік қауіпсіздік саласындағы тәуекелдерді басқару мәселелеріне жауапкершілікпен қарайды. Тәуекелдерді басқару процесі корпоративтік тәуекелдерді басқару жүйесінің бөлігі болып табылады және Компанияның өндірістік қауіпсіздік саласындағы саясатына сәйкес іске асырылады.

А Өндірістік қауіптер мен тәуекелдерді бағалау қауіптерді сәйкестендіру мен тәуекелдерді бағалаудың бекітілген рәсімі шеңберінде жүргізіледі және жарақаттанушылықтың алдын алу мен кәсіби тәуекелдер деңгейін төмендетуге бағытталған жүйелі процесс болып табылады. Бағалау жұмыс орындарын аттестаттау деректерін, еңбек жағдайларын арнайы бағалау нәтижелерін, инциденттердің аудиттері мен тергеулерін ескере отырып, жұмыс орындары, технологиялық процестер мен жабдықты талдаудан басталады. Ықтимал қауіпті және зиянды факторларды анықтауды қауіпсіздік пен еңбекті қорғау жөніндегі инженерлер басшылар және қызметкерлермен бірлесіп жүзеге асырады.  А

А Қауіптерді сәйкестендіруден кейін қалаусыз оқиғаның туындау ықтималдығы мен ықтимал салдарлардың ауырлығын айқындауды қамтитын тәуекелді талдау жүргізіледі. Бағалау тәуекелдерді деңгейлер бойынша — төмен деңгейден жол берілмейтін деңгейге дейін — жіктеуге мүмкіндік беретін тәуекел матрицасын пайдалана отырып, Компанияда қабылданған әдістеме бойынша орындалады. Әр процесс үшін қолданыстағы инженерлік және ұйымдастырушылық қорғаныс шараларын ескере отырып, қалдық тәуекел айқындалады. А

Анықталған барлық қауіптер мен бағаланған тәуекелдер тұрақты қайта қарауға жататын қауіптер мен тәуекелдердің корпоративтік тізілімінде көрсетіледі. Тізілімді өзектендіру технологиялар өзгерген, жаңа жабдықты енгізген, инциденттерді тергеу қорытындысы бойынша және жыл сайынғы қайта қарау шеңберінде жүзеге асырылады.

Тәуекелдерді бағалау нәтижелері рұқсат-нарядтар жүйесін ресімдеу кезінде ескеріледі. Жоғары қауіптіліктегі жұмыстарды орындау алдында жұмыстарды орындау орнында тәуекелдерді жедел бағалау жүргізіледі, көзделген бақылау шараларының болуы және жабдық пен персоналдың дайындығы расталады. Рұқсат-нарядта қауіптерді сәйкестендіру мен басқару шараларын іске асыру тіркеледі. Еңбекті қорғауды басқару жүйесі шеңберінде инспекциялар, мінез-құлықтық бақылаулар, рәсімдердің сақталуын тексеру және еңбек шарттары бойынша деректерді талдау арқылы қабылданған шаралардың тиімділігіне үздіксіз мониторинг жүзеге асырылады. Қажет болған жағдайда тәуекелдер қайта қаралады, ал оларды барынша азайту бойынша іс-шаралар түзетіледі. Компанияның ұжымдық шарты қызметкерлерге өмірі немесе денсаулығына қауіп туындаған жағдайда осы құқықты іске асырған кездегі теріс салдарлардан қорғау кепілдігімен жұмыстарды орындаудан бас тарту құқығын көздейді.

GRI 403-2, 403-9

«Қазақтелеком» АҚ-да тұрақты түрде қатысу орындарында халықтың денсаулығы мен қауіпсіздігіне жобалық тәуекелдер мен қолайсыз әсерлер анықталады және бағаланады. Бағалау нәтижелері бойынша қорғаныс және алдын алу шаралары әзірленеді. Қажет болған жағдайда Компания тиісті билік органдарымен және басқа да мүдделі тараптармен қолайсыз әсерлерді жұмсарту бойынша шаралар мен жоспарларға қатысты ынтымақтасады.

Қауіптерді сәйкестендіру мен тәуекелдерді бағалау рәсімі шеңберінде барлық персоналдың күнделікті қызметі, адамның мінез-құлқы мен қабілеттері, жұмыстарды орындау аймағының жанында немесе одан тыс жерде анықталған қауіптер, инфрақұрылым, жабдық пен материалдар, технологиялық процестер ескеріледі. Компанияда тәуекелдерді басқару бойынша іс-шаралар айқындалған және өткізіледі.

4.3.3.6. Өндірістік жарақаттанушылықтың алдын алу

GRI 403-7

Компания қызметкерлердің, мердігерлік ұйымдар қызметкерлерінің және халықтың денсаулығы мен қауіпсіздігіне қолайсыз әсерлерді алдын ала болдырмауға немесе жұмсартуға ерекше назар аударады.

Компания филиалдарының құрылымдық бөлімшелері басшыларының өндірістік қауіпсіздік бойынша ҚТК тізбесіне еңбекке қабілеттілікті уақытша жоғалтумен болатын жарақаттардың жиілігі көрсеткіші (LTIF) енгізілген.

Компания өндірістік жарақаттанушылықтың алдын алуға бағытталған іс-шараларды әзірлейді және енгізеді.

Компания өндірістік жарақаттанушылық пен ЖКО себептеріне талдау жүргізеді, содан кейін филиалдарға жазатайым оқиғалардың алдын алу және болдырмау жөніндегі іс-шаралар тізбесін қамтитын ақпараттық хаттар дайындалып, жіберіледі. Бұдан басқа, барлық бөлімшелердің қызметкерлерімен инциденттердің мән-жайлары мен себептері талқыланады, сондай-ақ қауіпсіздік және еңбекті қорғау бойынша жоспардан тыс нұсқамалар өткізіледі.

Жыл сайын Нөлдік жарақаттанушылықты қамтамасыз ету жөніндегі жоспар іске асырылады. Бұл жоспардың орындалуы туралы есеп тоқсан сайын Директорлар Кеңесінің қарауына шығарылады.

Озық тәжірибелерді енгізу мақсатында апаттар мен жарақаттанушылықтың алдын алудың проактивті құралдарын қолдану мониторингі ұйымдастырылды — қауіпті жағдайларды, қауіпті іс-әрекеттер мен ықтимал қауіпті оқиғаларды тіркеу мен тергеумен қауіпсіздіктің мінез-құлықтық аудиттерін өткізу.

Мердігерлік ұйымдарды басқару тиімділігін арттыру бойынша жұмыс жүргізілді, оның ішінде: мердігерлік ұйымдарды басқаруды регламенттейтін ішкі нормативтік құжат әзірленді; Компанияның өндірістік нысандары аумағында жұмыстарды қауіпсіз орындауды арттыру мақсатында мердігерлік ұйымдармен бастапқы кеңестер өткізу тәжірибесі енгізілді.

Компания қызметкерлерін қауіпсіздік белдіктерін пайдалану қажеттігі туралы хабардарлықты арттыру және жол-көлік оқиғалары кезінде жарақаттанушылықты азайту мақсатында «Қазақтелеком» АҚ қызметкерлері маңдайлық соқтығысу тренажер-имитаторында оқудан өтті.

2025 жылы жол-көлік оқиғалары саны 59-ды, олардың ішінде 35-і Компания қызметкерлерінің кінәсінен болды.

Қызмет көрсету туралы шарттар жасалған мердігер ұйымдардың қызметкерлері арасындағы жазатайым оқиғалардың статистикалық есебін Компания жүргізбейді.

Өрт қауіпсіздігі деңгейін арттыру, ҚР заңнамасының талаптарын орындау талабына, сондай-ақ Компанияда өрттің туындау тәуекелін азайту мақсатында «Қазақтелеком» АҚ-да «Өрт қауіпсіздігі саясаты» бекітілді.

2

2025 жылғы өндірістік жарақаттар саны

0,07

өндірістік жарақаттар коэффициенті (LTIFR)

GRI 403-9

62-кесте. «Қазақтелеком» АҚ қызметкерлері арасындағы жарақаттанушылық көрсеткіштері

Барлық қызметкерлер үшін 2023 2024 2025
Компанияның өндірістік қызметімен байланысты қаза табумен болған жағдайлар саны (бір.) 0 0 0 A
Компанияның өндірістік қызметімен байланысты қаза табумен болған жағдайлар коэффициенті (%) 0 0 0 A
Компанияның өндірістік қызметімен байланысты ауыр жарақаттар саны (бір.) 1 4 2 A
Компанияның өндірістік қызметімен байланысты ауыр жарақаттар коэффициенті (%) 0,03 0,12 0,07 A
Өндірістік жарақаттар саны (бір.) 6 6 2 A
Өндірістік жарақаттар коэффициенті (LTIFR) (%) 0,19 0,19 0,07 A
Жұмыс сағаттарының жалпы саны (адам-сағат) 31 780 000 31 308 380 29 430 467 A

Кестеге ескертпе: Көрсетілген деректер Компанияның 100% қызметкерлерін қамтиды. Қызметкерлердің ешбір санаты осы статистикадан алып тасталмаған.
Коэффициенттер 1 000 000 жұмыс істелген сағат негізінде есептелген.

Жарақаттардың негізгі себептері:

  • қауіпсіздік пен еңбекті қорғау қағидаларын бұзу;
  • көлік құралдарын пайдалану кезінде қауіпсіздік талаптарын бұзу;
  • зардап шегушінің дөрекі абайсыздығы, жұмыстарды өндірісті қанағаттанарлықсыз ұйымдастыру;
  • қауіпсіз еңбек тәсілдеріне оқытудағы кемшіліктер.

Анықталған жазатайым оқиғалар нәтижесінде «Қазақтелеком» АҚ басшылығы мынадай түзету шараларын қабылдады:

  • арнайы тергеу жүргізілді;
  • Компанияның филиалдары мен дивизиондарында жұмыс жабдығын қауіпсіздік пен еңбекті қорғау талаптарының сақталуы тұрғысынан толық тексеру жүргізілді (ҚжЕҚ);
  • биіктікте жұмыс істеу бойынша қайта оқыту жүргізілді;
  • биіктікте жұмыс істеу процесіне қосымша аудиттер жүргізілді;
  • қызметкерлерге оқиғалар туралы ақпарат жеткізілді (оның ішінде «Самұрық-Қазына» АҚ-ның портфельдік компанияларында);
  • жүргізушілер мен қоса атқарушы жүргізушілерге қауіпсіз жүргізу бойынша оқыту өткізілді;
  • қызметкерлермен жоспардан тыс нұсқамалар өткізілді;
  • кінәлі қызметкерлерге тәртіптік жазалар қолданылды.

GRI 403-9

63-кесте. «Қазақтелеком» АҚ-ның штаттан тыс қызметкерлері арасындағы жарақаттанушылық көрсеткіштері

Барлық қызметкерлер үшін 2023 2024 2025
Компанияның өндірістік қызметімен байланысты қаза табумен болған жағдайлар саны (бір.) 0 0 0 A
Компанияның өндірістік қызметімен байланысты қаза табумен болған жағдайлар коэффициенті (%) 0 0 0 A
Компанияның өндірістік қызметімен байланысты ауыр жарақаттар саны (бір.) 0 0 0 A
Компанияның өндірістік қызметімен байланысты ауыр жарақаттар коэффициенті (%) 0 0 0 A
Өндірістік жарақаттар саны (бір.) 0 0 0 A
Өндірістік жарақаттар коэффициенті (LTIFR) (%) 0 0 0 A
Жұмыс сағаттарының жалпы саны (адам-сағат) 601 494 1 091 678 1 093 528 A

Кестеге ескертпе: Көрсетілген деректер Компанияның 100% штаттан тыс қызметкерлерін қамтиды. Қызметкерлердің ешбір санаты осы статистикадан алып тасталмаған.
Коэффициенттер 1 000 000 жұмыс істелген сағат негізінде есептелген.

2025 жылы өндірістік қызметті жүзеге асыру кезінде жол-көлік оқиғалары мен қызметкерлердің жарақаттанушылығының алдын алу, көлік құралдарын қауіпсіз пайдалануды қамтамасыз ету, еңбек тәртібін нығайту және Компания қызметкерлері арасында қауіпсіз көлік жүргізу мәдениетін арттыру саласында жол қозғалысы қауіпсіздігін қамтамасыз ету бойынша жұмысты ұйымдастыруға бірыңғай талаптарды белгілейтін «Қазақтелеком» АҚ-ның көлік құралдарын қауіпсіз пайдалануды қамтамасыз ету стандарты» өзектендірілді.

Қосымша көлік жүргізу мәдениетін арттыру және жол-көлік оқиғаларының алдын алу үшін Қоғамның барлық көлік құралдарында көлік жүргізу сапасы туралы кері байланыс үшін телефон мен QR-коды бар ақпараттық жапсырмалар орналастырылды. Жобаны іске асыру ЖКО-ның алдын алуға, қызметкерлердің өмірі мен денсаулығына төнетін тәуекелдерді азайтуға, жүргізушілердің қауіпсіздікті сақтау үшін жауапкершілігін арттыруға, жолдардағы қауіпсіз мінез-құлық мәдениетін қалыптастыруға, сондай-ақ «Қазақтелеком» АҚ қызметіне ашықтық пен сенімді жақсартуға бағытталған. QR-код еңбек пен жол қозғалысы қауіпсіздігін жақсарту бойынша шаралар қабылдау үшін талданатын ескертулер мен ұсыныстарды жіберудің ыңғайлы тәсілін ұсынады.

2025 жылғы 1 желтоқсандағы жағдай бойынша жыл басынан бері «Қазақтелеком» АҚ-да қаза табумен аяқталмаған ауыр салдары бар екі жазатайым оқиға тіркелді:

Алматы қ. Компания офисінде Сервистік фабрика қызметкерінің баспалдақ алаңында құлауы нәтижесінде аяғының күрделі сынуы алынды. Арнайы тергеу қорытындысы бойынша жұмыс берушінің 100 пайыздық кінәсі белгіленді.

Ақтау қ. қызметкердің авариялық тіреуден биіктен құлап, бірнеше сынықтар алуы салдарынан жазатайым оқиға болды. Еңбек инспекциясының актісі нәтижелері бойынша жауапкершілікті бөлу белгіленді: 70% — жұмыс берушінің кінәсі, 30% — қызметкердің кінәсі.

Екі жағдайда да зардап шеккен қызметкерлер уақтылы ауруханаға жатқызылды, тиісті медициналық көмек алды және қазіргі уақытта оңалу мен қалпына келу кезеңінен өтуде.

4.3.3.7. Қызметкерлерді оқыту және жұмыс жүргізудің қауіпсіз мәдениетін дамыту

GRI 403-5

Компания қауіпсіздік және еңбекті қорғау саласындағы, оның ішінде ҚжЕҚ бойынша оқыту және біліктілікті арттыру саласындағы озық халықаралық тәжірибелерді енгізеді.

А Компанияда қызметкерлерді еңбекті қорғау мен өндірістік қауіпсіздік бойынша, өрт-техникалық минимум және электр қондырғыларында жұмыс істеу кезіндегі қауіпсіздік техникасы бойынша жыл сайынғы оқыту өткізіледі. Бұл оқыту сыртқы оқу ұйымдарында да, тікелей жұмыс орындарында да жүзеге асырылады. А

А 2025 жылы «Қазақтелеком» АҚ-да Компания қызметкерлеріне арналған еңбекті қорғау мен өндірістік қауіпсіздік бойынша әртүрлі тренингтер мен оқу бағдарламалары өткізілді. А

Есепті кезеңнің 10 айы ішінде «Қазақтелеком» АҚ-да қашықтан және күндізгі форматтарды пайдалана отырып, өндірістік қауіпсіздік саласында қызметкерлерді оқыту ұйымдастырылды. Оқыту LMS платформасындағы онлайн-курстарды да, қауіпсіз еңбек саласындағы құзыреттіліктерді қалыптастыру мен дамытуға бағытталған күндізгі тренингтік бағдарламаларды да қамтыды.

LMS платформасында өндірістік қауіпсіздіктің негізгі бағыттары, оның ішінде энергия көздерін оқшаулау (LOTO), шаршауды бақылау, алғашқы медициналық көмек көрсету, жарақаттанушылықтың алдын алу, инциденттерді тергеу мен қауіптерді басқару бойынша қашықтан оқыту шеңберінде 2 716 қызметкер оқудан өтті.

Параллель түрде есепті кезеңде практикалық дағдыларды дамытуға және өндірістік қауіпсіздік талаптарын сақтауға бағдарланған күндізгі оқу бағдарламалары іске асырылды.

2

2025 жылғы өндірістік жарақаттар саны

0,07

өндірістік жарақаттар коэффициенті (LTIFR)

64-кесте. 2025 жылы ЕҚ және ӨҚ, өрт-техникалық минимум, қауіпсіздік техникасы бойынша сыртқы оқытуларды өткізу

0

топ-менеджерлер үшін басшылықтың есеп берушілігі курсы бойынша оқытылды

1 384

өнеркәсіптік қауіпсіздік талаптары курсы бойынша оқытылды

2 814

қауіпсіздік және еңбекті қорғау курсы бойынша оқытылды

2

NEBOSH IGC (Өндірістегі еңбекті қорғау мен қауіпсіздік техникасы бойынша халықаралық сертификат) курсы бойынша оқытылды

2 204

биіктікте және жоғары жұмыстарды жүргізуде ҚӨН-да қауіпсіздік техникасы қағидалары курсы бойынша оқытылды

6

IOSH Managing Sarefy курсы бойынша оқытылды

2 335

электр қауіпсіздігі курсы бойынша оқытылды

1 560

өрт қауіпсіздігі курсы бойынша оқытылды

2025 жылғы 17 наурызда Директорлар Кеңесі мүшелерінің қатысуымен стратегиялық даму мәселелері бойынша стратегиялық сессия өткізілді.

2025 жылы NEBOSH және IOSH халықаралық бағдарламалары бойынша оқудан ӨҚД сегіз қызметкері өтті, бұл Компанияның еңбекті қорғау саласындағы халықаралық стандарттарға сәйкес келуге ұмтылысын куәландырады. Қауіпсіздік мәдениеті деңгейі бойынша сауалнамаға «Қазақтелеком» АҚ басшыларының 86%-ы қатысты.

Ең үлкен қамтуды қауіпсіз еңбек мәдениеті, қауіпсіздіктің мінез-құлықтық аудиті, қауіпсіз көлік жүргізу және ықтимал қауіпті учаскелерде жұмыс істеу бойынша бағдарламалар алды. Күндізгі оқудан 10 ай ішінде 7 861 қызметкер өтті.

Жалпы көрсетілген кезеңде өндірістік қауіпсіздік саласындағы бағдарламалар бойынша оқудан 10 577 қызметкер өтті.

Компанияда сонымен қатар қызметкерлерге «Қауіпсіз еңбек мәдениеті» курсы бойынша оқыту жүргізіледі. 2025 жылы өндірістік персонал қатарынан 2 752 қызметкер осы курс бойынша оқудан өтті.

2025 жыл үшін Корпоративтік университет Компания қызметкерлеріне еңбекті қорғау мен өндірістік қауіпсіздік бойынша тренингтер мен оқу бағдарламаларын өткізді:

  • Қауіпсіз көлік жүргізу — 2 896 қатысушы.
  • Қауіпсіз еңбек мәдениеті — 61 қатысушы.
  • Қауіпсіз жұмыс ортасы SWE 2 — 1 415 қатысушы.
  • Жарақаттанушылықтың алдын алу және оларға әрекет ету IPR 2 — 5 857 қатысушы.
  • HSE-дегі фасилитатор — 68 қатысушы.

Жалпы қамту: 10 297 қатысушы.

А Компанияда ҚжЕҚ мәселелері бойынша жауапты басшыларды бейне-оқыту бағдарламасы қолданылады. А Бағдарлама шеңберінде қызметкерлерге мынадай тақырыптар бойынша бейнематериалдар көрсетіледі:

  • электр беру желілеріне жақын учаскелерде және арнайы техниканың көмегімен жоғары қауіпті жұмыстарды орындау;
  • қызметкерлердің қауіпсіздігін қамтамасыз ететін жұмыс әдістері мен тәсілдері;
  • жазатайым оқиғалар кезінде алғашқы көмек көрсету.

Бұл бейне-оқыту жүргізу бағдарламасы барлық бөлімшелер мен дивизиондарда тұрақты бақылау мен талдау жүргізумен және осы бағдарламаны жақсарту бойынша шешімдер қабылдаумен іске асырылады.

Оқытудың мұндай әдісі қызметкерлердің өндірістік қызмет процесіндегі тиімділігін арттыруға, сондай-ақ жұмыс орындарындағы бар тәуекелдерді барынша азайтуға мүмкіндік береді.

4.3.3.8. Кәсіби аурулардың алдын алу және денсаулықты қорғау

GRI 403-3, 403-6

Қызметкерлерге қамқорлық жасау «Қазақтелеком» АҚ үшін негізгі басымдық болғандықтан, олардың денсаулығына ерекше назар аударылады. А Қызметкерлерге арналған әлеуметтік пакет шеңберінде толық медициналық сақтандыру көзделген. Қызметкерлер үшін сондай-ақ Ұжымдық шарт пен «Демеу» бағдарламасының талаптарына сәйкес сауықтыру және санаторий-курорттық емдеу бағдарламалары қолданылады. А

А Компанияда қызметкерлердің денсаулығын қорғау бойынша превентивті шараларды қабылдау мен жүйелі іс-шараларды іске асыру мақсатында ауруға шалдығуды мониторингтеу мен аурулардың алдын алуға бағытталған Қызметкерлердің әл-ауқаты мен денсаулығы жөніндегі кешенді бағдарлама іске асырылуда. Бағдарлама қызметкерлердің денсаулық жағдайын мониторингтеу мен өндірістік қызметпен байланысты тәуекелдерді азайту бойынша шаралар кешенін қамтиды. А

Бағдарламаны іске асыру қорытындысы бойынша 2025 жылы мағыналық, зияткерлік, кәсіби, қоғамдық, эмоциялық, физикалық және қаржылық әл-ауқатты қамтитын кешенді көрсеткіш болып табылатын қызметкерлердің әл-ауқат индексінің оң динамикасы тіркелді — өсу

+4%

құрады

Созылмалы аурулардың даму тәуекелінің негізгі факторларын бағалайтын қызметкерлердің денсаулық индексі 2024 жыл деңгейінде сақталып,

62

балды құрады

А Бағдарлама шеңберінде қызметкерлерге психологиялық қолдау бойынша кеңес беру де қамтамасыз етілді A. 2025 жылғы кеңестердің жалпы саны

656

болды

Бағдарламаға қатысушылардың адалдық деңгейі (eNPS) 2025 жыл қорытындысы бойынша

90

балды құрап,

2024 жылмен салыстырғанда 22 балға өсті

А Кешенді әл-ауқат пен денсаулық бағдарламасы шеңберінде Компания қызметкерлері өкпе функцияларын және темекі шегудің өкпеге әсерін бағалауға, жүрек-қан тамырлары аурулары тәуекелдерін бағалауға және тірек-қимыл аппараты мәселелерін бағалай отырып сауықтыру тестілеуіне бағытталған «Салауатты өмір» және «Дені сау арқа» бағдарламаларына қатысты. А

Компания қызметкерлері сонымен қатар марафондарды, КВН мен спартакиадаларды қоса алғанда, спорт пен корпоративтік іс-шараларға белсенді қатысты, бұл командалық рухты нығайтуға және персоналдың тартылуын арттыруға ықпал етті.

4.3.3.9. Мердігерлік ұйымдардағы өндірістік қауіпсіздік пен еңбекті қорғауды басқару

Компания объектілерінде жұмыстарды орындайтын мердігерлік ұйымдар қоршаған ортаны қорғау және өндірістік қауіпсіздік саласындағы талаптарды, стандарттар мен нормаларды сақтауға міндетті.

«Қазақтелеком» АҚ қауіпсіздік пен еңбекті қорғау аспектілерін басқару контекстінде тауарларды, жұмыстар мен қызметтерді жеткізушілермен өзара іс-қимылға үлкен мән береді. Бұл үшін жеткізушілер мен мердігерлерге өндірістік қауіпсіздік саласындағы корпоративтік стандарттарға сәйкес тиісті талаптар қойылады.

Бұл ретте мердігерлік ұйымдар қауіпсіздік пен еңбекті қорғау саласындағы осы талаптардың сақталуын дербес бақылауға міндетті:

  • 2026 жылға арналған жоспарлар: «Қазақтелеком» АҚ-ның 2026 жылға арналған өндірістік қауіпсіздік жөніндегі іс-шаралар жоспарын іске асыру;
  • Компания басшылары мен қызметкерлерін оқыту және біліктілігін арттыру;
  • өндірістік қауіпсіздік мәселелері бойынша тақырыптық кеңестер өткізу;
  • ішкі өндірістік бақылауды жүзеге асыру;
  • инциденттерді бақылау және алдын алу: тәуекелдерді жүйелі мониторингтеу, инциденттер себептерін талдау және түзету іс-шараларын енгізу.
Орта мерзімді перспективаға (2027–2030 жж.) жоспарлар

2025 жылғы 15.09 № 211 өкімімен «Қазақтелеком» АҚ-ның 2024-2028 жылдарға арналған өндірістік қауіпсіздікті басқару жүйесін дамыту тұжырымдамасы бекітілді, ол мыналарды көздейді:

  • «Қазақтелеком» АҚ-ның өндірістік қауіпсіздік жөніндегі іс-шаралар жоспарларын іске асыру;
  • персоналдың барлық деңгейлері үшін өндірістік қауіпсіздік бойынша ішкі және сыртқы оқыту бағдарламалары мен курстарын әзірлеу және өткізу;
  • өндірістік қауіпсіздікті қамтамасыз ету процестерін және рәсімдерін үнемі жетілдіру үшін үздік тәжірибелерді пайдалану;
  • өндірістік қауіпсіздік процестерін цифрландыру.