Freedom
Project 1
букмекерлік компаниялар мен микроқаржы ұйымдарының сайттарына кіру бойынша жиынтық деректерді қалыптастырады.
3.6. Big Data дамыту
«Цифрландыру және үлкен деректерді басқару» бағытында «Қазақтелеком» АҚ деректердің корпоративтік архитектурасын дамытады және жасанды интеллект негізіндегі шешімдерді енгізеді. Бұл бастамалар әртүрлі көздерден деректерді біріктіруге, басқарушылық аналитиканы қалыптастыруға және процестердің тиімділігі мен қауіпсіздігін арттыру үшін сандық сервистерді іске қосуға көмектеседі.
2025 жылдың негізгі жобаларының бірі SKAI DATA
DWH/ETL/BI платформасын дамыту болды. Платформа орталықтанған корпоративтік деректер қоймасын және деректерді талдау, есептілік пен басқарушылық шешімдер қабылдау үшін пайдалануға мүмкіндік беретін көрсеткіштердің бірыңғай моделін құруға арналған.
Есепті жылы Компания негізгі метрикалардың тізбесін айқындады және келісті, деректерді интеграциялаудың мақсатты архитектурасын әзірледі, ақпаратты жүктеу мен шоғырландыруды автоматтандырды, сондай-ақ деректер витриналары мен басқарушылық дашбордтарды қалыптастырды.
Қосымша портфельдік компанияларды интеграциялау басталды, бұл орталықтанған басқарушылық есептілікке көшуге және деректерді талдау ашықтығын арттыруға мүмкіндік берді.
2026 ж. SKAI DATA-ны дамыту қосымша компанияларды қосуға, деректер көздерін кеңейтуге және Data Governance процестерін күшейтуге бағытталатын болады.
Орта мерзімді перспективада (2027–2029 жж.) платформа өндірістік және қаржылық көрсеткіштерді болжау, сондай-ақ тәуекелдерді бағалау үшін предиктивті аналитика мен ЖИ-модельдерді енгізумен бірыңғай талдау хабына айналады.
«Қазақтелекомда» «Деректер фабрикасы» жұмыс істейді — бұл аналитикаға арналған деректерді жинауға, өңдеуге, тазартуға және дайындауға жауап беретін мамандандырылған бөлімше. Бөлімше бизнес-командаларға деректерді практикалық міндеттерде пайдалануға, неғұрлым негізделген шешімдер қабылдауға және деректер негізінде жаңа өнімдер мен сервистерді, оның ішінде деректерді монетизациялау мен серіктестік интеграциялар жобаларын жасауға көмектеседі. «Деректер фабрикасы» жобасы үлкен деректерді басқару технологияларын дамытуға қосқан үлесі үшін халықаралық марапаттарға да ие болды. «Деректер фабрикасы» жобасы үлкен деректерді басқару технологияларын дамытуға қосқан үлесі үшін халықаралық марапаттармен де аталып өтті.
2025 ж. «Деректер фабрикасы» өзара байланысты төрт бағытты сүйемелдеді. Бірінші бағыт Data Science/ML OFD Категоризаторын дамытумен байланысты. Шешім чектердегі тауар позицияларын автоматты түрде жіктейді және ФДО деректерінің тазартылған әрі құрылымдалған қабатын қалыптастырады. Бұл деректер одан әрі аналитика, клиенттерді сегменттеу, антифрод және таргетинг үшін пайдаланылады.
Екінші бағыт Freedom Bank үшін серіктестік витриналар мен интеграциялармен байланысты. Үш жоба іске асырылды:
Бұл жобалар бірыңғай қағидат бойынша құрылған. Деректер тұрақты витриналарға жиналады, күн сайынғы инкременттік процестер арқылы жаңартылады және API арқылы беріледі. Бұл ретте OFD Категоризатор мен Freedom Project 2 чектік деректерді пайдаланады, бірақ әртүрлі міндеттерді шешеді. OFD Категоризатор тауар деректерінің сапасы мен түсініктілігін арттырады, ал Freedom Project 2 скорингтік модельдерге арналған сандық көрсеткіштерді қалыптастырады.
TV+ аналитикалық платформасы жеке өнімдік бағытқа айналды. Ол үшін Qlik Sense-те витриналар мен визуализациялардың орталықтандырылған жүйесі құрылды.
Платформа аудиторияны, құрылғыларды, жазылымдарды және контентті тұтынуды қадағалауға, сондай-ақ маркетинг пен өнімдік дамуға арналған аналитиканы тұрақты дайындауға мүмкіндік береді.
